numood o bood ko aaquil habaab samjhe hain
wo jaagte hain jo duniyaa ko khawaab samjhe hain
kabhi bura nahi jaana kisi ko apne siwa
har ek zarre ko ham aaftaab samjhe hain
ajab nahi hai jo sheeshon mein bhar ke le jaaein
in aansuon ko farishte gulaab samjhe hain
zamaana ek tarah par kabhi nahi rahta
isi ko ahal-e-jahan inquilaab samjhe hain
unhin ko daar-e-baqua ki hai pukhtagi ka khayaal
jo be-sabaati-e--e-kharaab samjhe hain
shabaab kho ke bhi ghaflat wahi hai peeron ko
sahar ki neend ko bhi ka khawaab samjhe hain
lahad mein aaein nakeerain aaein bismillaah
har ik sawaal ka ham bhi jawaab samjhe hain
agar ghuroor hai aada ko apni kasrat par
toh is hayaat ko ham bhi habaab samjhe hain
na kuchh khabar hai hadeeson ki in safeehon ko
na ye maaani-e-ummul-kitaab samjhe hain
kabhi shaqui mutmatta na honge duniyaa se
jise ye aab use ham saraab samjhe hain
mazeel-e-aql hai duniyaa ki daulat ai munaim
usi ke nashshe ko soofi sharaab samjhe hain
haraartein hain maaal-e-halaawat-e-duniyaa
wo zahar hai jise ham shahad-e-naab samjhe hain
anees makhmal o deeba se kya faqueeron ko
isi zameen ko ham farsh-e-khawaab samjhe hain
Responses
No comments yet. Be the first to respond.