wo gul hoon juda sab se hai jis ka rang

wo boo hoon ki jo aashkaara nahi

wo paani hoon sheerin nahi jis mein shor

wo aatish hoon jis mein sharaara nahi

bahut zaal-e-duniyaa ne din baaziyan

main wo naujwan hoon jo haara nahi

jahannam se ham be-quaraaron ko kya

jo aatish pe thahre wo paara nahi

faqueeron ki majlis hai sab se juda

ameeron ka yan tak guzaara nahi

sikandar ki khaatir bhi hai sadd-e-baab

jo daara bhi ho toh madaara nahi

kisi ne tiri tarah se ai anees

uroos-e-sukhan ko sanwaara nahi