koi anees koi aashna nahi rakhte
kisi ki aas baghair az nahi rakhte
kisi ko kya ho dilon ki shikastagi ki khabar
ki tootne mein ye sheeshe sada nahi rakhte
faqueer dost jo ho ham ko sarafraaz kare
kuchh aur farsh b-juz boriya nahi rakhte
musaafiro -e-awwal bahut hai teera o taar
charaagh-e-quabr abhi se jala nahi rakhte
wo log kaun se hain ai khuda-e-kaun-o-makan
sukhan se kaan ko jo aashna nahi rakhte
musaafiraan-e-adam ka pata mile kyoonkar
wo yoon gae ki kahin naqsh-e-pa nahi rakhte
tap-e-daroon gham-e-furqat waram-e-payaada-rawi
maraz toh itne hain aur kuchh dawa nahi rakhte
khulega haal unhein jab ki aankh band hui
jo log ulfat-e-mushkil-kusha nahi rakhte
jahan ki lazzat o khwaahish se hai bashar ka khameer
wo kaun hain ki jo hirs-o-hawa nahi rakhte
anees bech ke jan apni hind se niklo
jo tosha-e-safar-e-karbala nahi rakhte
Responses
No comments yet. Be the first to respond.