wo bhi saraahne lage arbaab-e-fan ke baad
daad-e- mili mujhe tark-e-sukhan ke baad
deewaana-waar se aage nikal gae
thahra na dil kahin bhi tiri anjuman ke baad
honton ko si ke dekhiye pachhtaaiyega aap
hangaame jaag uthte hain aksar ghutan ke baad
ghurbat ki thandi chhaanw mein yaad aai us ki dhoop
quadr-e-watan hui hamein tark-e-watan ke baad
elaan-e-haque mein khatra-e-daar-o-rasan toh hai
lekin sawaal ye hai ki daar-o-rasan ke baad
insan ki khwaahishon ki koi intiha nahi
do gaz zamin bhi chahiye do gaz kafan ke baad
Responses
No comments yet. Be the first to respond.