yaadash-b-khair jab wo tasawwur mein aa gaya
sher o shabaab o ka dariya baha gaya
jab apne markaz-e-asli pe aa gaya
khud ban gaya haseen do aalam pe chha gaya
jo dil ka raaz tha use kuchh dil hi pa gaya
wo kar sake bayan na hamin se kaha gaya
naaseh fasaana apna hansi mein uda gaya
khush-fikr tha ki saaf ye pahloo bacha gaya
apna zamaana aap banaate hain ahal-e-dil
ham wo nahi ki jin ko zamaana bana gaya
dil ban gaya nigaah nigah ban gai zaban
aaj ik sukoot-e-shauque quayaamat hi dha gaya
mera kamaal-e-sher bas itna hai ai jigar
wo mujh pe chha gae main zamaane pe chha gaya
Responses
No comments yet. Be the first to respond.
ye ishq nahin aasaan itna hi samajh leeje
ik aag ka dariya hai aur Doob ke jaana hai
un ka jo farz hai vo ahl-e-siyaasat jaanein
mera paighaam mohabbat hai jahaan tak pahunche
ik lafz-e-mohabbat ka adna ye fasaana hai
simTe to dil-e-aashiq phaile to zamaana hai
ham ko miTa sake ye zamaane mein dam nahin
ham se zamaana khud hai zamaane se ham nahin
dil ko sukoon rooh ko aaraam aa gaya
maut aa gayi ki dost ka paighaam aa gaya
tabiyat in dinon begaana-e-gham hoti jaati hai
mere hisse ki goya har khushi kam hoti jaati hai