sabhi andaaz-e- pyaare hain
ham magar saadgi ke maare hain
us ki raaton ka intiquam na poochh
jis ne hans hans ke din guzaare hain
ai sahaaron ki waalo
kitne insaan be-sahaare hain
laala-o-gul se tujh ko kya nisbat
naa-mukammal se istiaare hain
ham toh ab doob kar hi ubhrenge
wo rahein shaad jo kinaare hain
shab-e-furqat bhi jagamga utthi
ashk-e-gham hain ki maah-paare hain
aatish-e-ishq wo jahannam hai
jis mein firdaus ke nazaare hain
wo hamin hain ki jin ke haathon ne
gesoo-e-zindagi sanwaare hain
husn ki be-niyaaziyon pe na ja
be-ishaare bhi kuchh ishaare hain
Responses
No comments yet. Be the first to respond.
ye ishq nahin aasaan itna hi samajh leeje
ik aag ka dariya hai aur Doob ke jaana hai
un ka jo farz hai vo ahl-e-siyaasat jaanein
mera paighaam mohabbat hai jahaan tak pahunche
ik lafz-e-mohabbat ka adna ye fasaana hai
simTe to dil-e-aashiq phaile to zamaana hai
ham ko miTa sake ye zamaane mein dam nahin
ham se zamaana khud hai zamaane se ham nahin
dil ko sukoon rooh ko aaraam aa gaya
maut aa gayi ki dost ka paighaam aa gaya
tabiyat in dinon begaana-e-gham hoti jaati hai
mere hisse ki goya har khushi kam hoti jaati hai