jo toofaanon mein palte ja rahe hain
wahi duniyaa badalte ja rahe hain
nikharta aa raha hai rang-e-gulshan
khas o khaashaak jalte ja rahe hain
wahin main udti dekhta hoon
jahan chashme ubalte ja rahe hain
-e-dair-o-kaaba allaah allaah
hawa ki zid pe jalte ja rahe hain
shabaab o husn mein bahas aa padi hai
nae pahloo nikalte ja rahe hain
Responses
No comments yet. Be the first to respond.
ye ishq nahin aasaan itna hi samajh leeje
ik aag ka dariya hai aur Doob ke jaana hai
un ka jo farz hai vo ahl-e-siyaasat jaanein
mera paighaam mohabbat hai jahaan tak pahunche
ik lafz-e-mohabbat ka adna ye fasaana hai
simTe to dil-e-aashiq phaile to zamaana hai
ham ko miTa sake ye zamaane mein dam nahin
ham se zamaana khud hai zamaane se ham nahin
dil ko sukoon rooh ko aaraam aa gaya
maut aa gayi ki dost ka paighaam aa gaya
tabiyat in dinon begaana-e-gham hoti jaati hai
mere hisse ki goya har khushi kam hoti jaati hai