ham ko mita sake ye zamaane mein dam nahi
ham se zamaana khud hai zamaane se ham nahi
be-faaeda alam nahi be-kaar nahi
taufeeque de toh ye nemat bhi kam nahi
meri zaban pe shikwa-e-ahal-e-sitam nahi
mujh ko jaga diya yahi ehsaan kam nahi
yaa rab hujoom-e-dard ko de aur wusaatein
daaman toh kya abhi miri aankhein bhi nam nahi
shikwa toh ek chhed hai lekin haqueequtan
tera sitam bhi teri inaayat se kam nahi
ab ishq us maquam pe hai justujoo-naward
saaya nahi jahan koi naqsh-e-quadam nahi
milta hai kyoon mazaa sitam-e-rozgaar mein
tera karam bhi khud jo shareek-e-sitam nahi
marg-e-jigar pe kyoon tiri aankhein hain ashk-rez
ik saaneha sahi magar itna aham nahi
Responses
No comments yet. Be the first to respond.
ye ishq nahin aasaan itna hi samajh leeje
ik aag ka dariya hai aur Doob ke jaana hai
un ka jo farz hai vo ahl-e-siyaasat jaanein
mera paighaam mohabbat hai jahaan tak pahunche
ik lafz-e-mohabbat ka adna ye fasaana hai
simTe to dil-e-aashiq phaile to zamaana hai
ham ko miTa sake ye zamaane mein dam nahin
ham se zamaana khud hai zamaane se ham nahin
dil ko sukoon rooh ko aaraam aa gaya
maut aa gayi ki dost ka paighaam aa gaya
tabiyat in dinon begaana-e-gham hoti jaati hai
mere hisse ki goya har khushi kam hoti jaati hai