ko sukoon rooh ko aaraam aa gaya
aa gai ki dost ka paighaam aa gaya
jab koi zikr-e-gardish-e-ayyaam aa gaya
be-ikhtiyaar lab pe tira naam aa gaya
gham mein bhi hai suroor wo hangaam aa gaya
shaayad ki daur-e-baada-e-gulfaam aa gaya
deewaangi ho aql ho ummeed ho ki yaas
apna wahi hai waqt pe jo kaam aa gaya
dil ke muaamlaat mein naaseh shikast kya
sau baar husn par bhi ye ilzaam aa gaya
sayyaad shaadman hai magar ye toh soch le
main aa gaya ki saaya tah-e-daam aa gaya
dil ko na poochh maarka-e-husn-o-ishq mein
kya jaaniye ghareeb kahan kaam aa gaya
ye kya maquam-e-ishq hai zaalim ki in dinon
aksar tire baghair bhi aaraam aa gaya
ahbaab mujh se quat-e-taalluque karein jigar
ab aaftaab-e-zeest lab-e-baam aa gaya
Responses
No comments yet. Be the first to respond.
ye ishq nahin aasaan itna hi samajh leeje
ik aag ka dariya hai aur Doob ke jaana hai
un ka jo farz hai vo ahl-e-siyaasat jaanein
mera paighaam mohabbat hai jahaan tak pahunche
ik lafz-e-mohabbat ka adna ye fasaana hai
simTe to dil-e-aashiq phaile to zamaana hai
ham ko miTa sake ye zamaane mein dam nahin
ham se zamaana khud hai zamaane se ham nahin
dil ko sukoon rooh ko aaraam aa gaya
maut aa gayi ki dost ka paighaam aa gaya
tabiyat in dinon begaana-e-gham hoti jaati hai
mere hisse ki goya har khushi kam hoti jaati hai