aaya na raas naala-e- ka asar mujhe
ab tum mile toh kuchh nahi apni khabar mujhe
le ke mujh se dete ho daagh-e-jigar mujhe
ye baat bhoolne ki nahi umr bhar mujhe
har-soo dikhaai dete hain wo jalwa-gar mujhe
kya kya fareb deti hai meri nazar mujhe
milti nahi hai lazzat-e-dard-e-jigar mujhe
bhooli hui na ho nigah-e-fitnaagar mujhe
daala hai be-khudi ne ajab raah par mujhe
aankhein hain aur kuchh nahi aata nazar mujhe
karna hai aaj hazrat-e-naaseh se saamna
mil jaae do ghadi ko tumhaari nazar mujhe
mastaana kar raha hoon rah-e-aashiqui ko tay
le jaae jazb-e-shauque mira ab jidhar mujhe
darta hoon jalwa-e-rukh-e-jaanan ko dekh kar
apna bana na le kahin meri nazar mujhe
yaksan hai husn-o-ishq ki sar-mastiyon ka rang
un ki khabar unhein hai na meri khabar mujhe
marna hai un ke paanw pe rakh kar sar-e-niyaaz
karna hai aaj quissa-e-gham mukhtasar mujhe
seene se dil azeez hai dil se ho tum azeez
sab se magar azeez hai teri nazar mujhe
main door hoon toh roo-e-sukhan mujh se kis liye
tum paas ho toh kyoon nahi aate nazar mujhe
kya jaaniye quafas mein rahe kya moaamla
ab tak toh hain azeez mire baal-o-par mujhe
Responses
No comments yet. Be the first to respond.
ye ishq nahin aasaan itna hi samajh leeje
ik aag ka dariya hai aur Doob ke jaana hai
un ka jo farz hai vo ahl-e-siyaasat jaanein
mera paighaam mohabbat hai jahaan tak pahunche
ik lafz-e-mohabbat ka adna ye fasaana hai
simTe to dil-e-aashiq phaile to zamaana hai
ham ko miTa sake ye zamaane mein dam nahin
ham se zamaana khud hai zamaane se ham nahin
dil ko sukoon rooh ko aaraam aa gaya
maut aa gayi ki dost ka paighaam aa gaya
tabiyat in dinon begaana-e-gham hoti jaati hai
mere hisse ki goya har khushi kam hoti jaati hai