aadmi aadmi se milta hai
magar kam kisi se milta hai
bhool jaata hoon main sitam us ke
wo kuchh is saadgi se milta hai
aaj kya baat hai ki phoolon ka
rang teri hansi se milta hai
silsila fitna-e-quayaamat ka
teri khush-quamti se milta hai
mil ke bhi jo kabhi nahi milta
toot kar usi se milta hai
kaarobaar-e-jahan sanwarte hain
hosh jab be-khudi se milta hai
rooh ko bhi mazaa mohabbat ka
dil ki ham-saaegi se milta hai
Responses
No comments yet. Be the first to respond.
ye ishq nahin aasaan itna hi samajh leeje
ik aag ka dariya hai aur Doob ke jaana hai
un ka jo farz hai vo ahl-e-siyaasat jaanein
mera paighaam mohabbat hai jahaan tak pahunche
ik lafz-e-mohabbat ka adna ye fasaana hai
simTe to dil-e-aashiq phaile to zamaana hai
ham ko miTa sake ye zamaane mein dam nahin
ham se zamaana khud hai zamaane se ham nahin
dil ko sukoon rooh ko aaraam aa gaya
maut aa gayi ki dost ka paighaam aa gaya
tabiyat in dinon begaana-e-gham hoti jaati hai
mere hisse ki goya har khushi kam hoti jaati hai
Yaad Hai
Hasrat Mohani