zabt kar ke hansi ko bhool gaya
main toh us zakhm hi ko bhool gaya
zaat-dar-zaat ham- rah kar
ajanbi ajanbi ko bhool gaya
subh tak wajh-e-jan-kani thi jo baat
main use shaam hi ko bhool gaya
ahad-e-waabastagi guzaar ke main
wajh-e-waabastagi ko bhool gaya
sab daleelein toh mujh ko rahin
bahas kya thi usi ko bhool gaya
kyoon na ho naaz is zehaanat par
ek main har kisi ko bhool gaya
sab se pur-amn waaquia ye hai
aadmi aadmi ko bhool gaya
quahaquha maarte hi deewaana
har gham-e-zindagi ko bhool gaya
khawaab-ha-khawaab jis ko chaaha tha
rang-ha-rang usi ko bhool gaya
kya quayaamat hui agar ik shakhs
apni khush-quismati ko bhool gaya
soch kar us ki khalwat-anjumni
wan main apni kami ko bhool gaya
sab bure mujh ko yaad rahte hain
jo bhala tha usi ko bhool gaya
un se waada toh kar liya lekin
apni kam-fursati ko bhool gaya
bastiyo ab toh raasta de do
ab toh main us gali ko bhool gaya
us ne goya mujhi ko yaad rakha
main bhi goya usi ko bhool gaya
yaani tum wo ho waaqaee? had hai
main toh sach-much sabhi ko bhool gaya
aakhiri but khuda na kyoon thahre
but-shikan but-gari ko bhool gaya
ab toh har baat yaad rahti hai
ghaaliban main kisi ko bhool gaya
us ki khushiyon se jalne waala jaun
apni iza-dahi ko bhool gaya
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi