us ke pahloo se lag ke chalte hain
ham kahin taalne se talte hain
band hai mai-kadon ke darwaaze
ham toh bas yoonhi chal nikalte hain
main usi tarah toh bahalta hoon
aur sab jis tarah bahalte hain
wo hai jaan ab har ek mahfil ki
ham bhi ab ghar se kam nikalte hain
kya takalluf karein ye kahne mein
jo bhi khush hai ham us se jalte hain
hai use door ka dar-pesh
ham sambhaale nahi sambhalte hain
shaam furqat ki lahalha uthi
wo hawa hai ki zakhm bharte hain
hai ajab faisle ka sahra bhi
chal na padiye toh paanw jalte hain
ho raha hoon main kis tarah barbaad
dekhne waale haath malte hain
tum bano rang tum bano
ham toh apne sukhan mein dhalte hain
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi