umr guzregi imtihaan mein kya
daagh hi denge mujh ko daan mein kya
meri har baat be-asar hi rahi
naqs hai kuchh mire bayaan mein kya
mujh ko toh koi tokta bhi nahi
yahi hota hai khaandaan mein kya
apni mahroomiyan chhupaate hain
ham ghareebon ki aan-baan mein kya
khud ko jaana juda zamaane se
aa gaya tha mire gumaan mein kya
shaam hi se dukaan-e-deed hai band
nahi nuqusaan tak dukaan mein kya
ai mire subh-o-shaam-e- ki shafaque
tu nahaati hai ab bhi baan mein kya
bolte kyoon nahi mire haque mein
aable pad gae mein kya
khaamushi kah rahi hai kaan mein kya
aa raha hai mire gumaan mein kya
dil ki aate hain jis ko dhyaan bahut
khud bhi aata hai apne dhyaan mein kya
wo mile toh ye poochhna hai mujhe
ab bhi hoon main tiri amaan mein kya
yoon jo takta hai aasmaan ko tu
koi rahta hai aasmaan mein kya
hai naseem-e-bahaar gard-aalood
khaak udti hai us makaan mein kya
ye mujhe chain kyoon nahi padta
ek hi shakhs tha jahaan mein kya
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi