tang aaghosh mein aabaad karoonga tujh ko
hoon bahut shaad ki naashaad karoonga tujh ko
fikr-e-ijaad mein gum hoon mujhe ghaafil na samajh
apne andaaz par ijaad karoonga tujh ko
nashsha hai ki doori ka ki hamraah hai tu
jaane kis shahar mein aabaad karoonga tujh ko
meri baanhon mein bahakne ki saza bhi sun le
ab bahut der mein aazaad karoonga tujh ko
main ki rahta hoon b-sad-naaz gurezan tujh se
tu na hoga toh bahut karoonga tujh ko
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi