sar hi ab phodiye nadaamat mein
neend aane lagi hai furqat mein
hain daleelein tire khilaaf magar
sochta hoon tiri himaayat mein
rooh ne ka fareb diya
jism ko jism ki adaawat mein
ab faquat aadton ki warzish hai
rooh shaamil nahi shikaayat mein
ko darmiyan na laao ki main
cheekhta hoon badan ki usrat mein
ye kuchh aasaan toh nahi hai ki ham
roothte ab bhi hain murawwat mein
wo jo taameer hone waali thi
lag gai aag us imaarat mein
zindagi kis tarah basar hogi
dil nahi lag raha mohabbat mein
haasil-e-kun hai ye jahaan-e-kharaab
yahi mumkin tha itni ujlat mein
phir banaaya khuda ne aadam ko
apni soorat pe aisi soorat mein
aur phir aadmi ne ghaur kiya
chhipkili ki lateef sanaat mein
ai khuda jo kahin nahi maujood
kya likha hai hamaari quismat mein
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi