ik rishta paida kyoon karein ham
bichhadna hai toh jhagda kyoon karein ham
khamoshi se ada ho -e-doori
koi hangaama barpa kyoon karein ham
ye kaafi hai ki ham dushman nahi hain
wafa-daari ka daawa kyoon karein ham
wafa ikhlaas qurbaani mohabbat
ab in lafzon ka peechha kyoon karein ham
hamaari hi tamannaa kyoon karo tum
tumhaari hi tamannaa kyoon karein ham
kiya tha ahad jab lamhon mein ham ne
toh saari umr ifa kyoon karein ham
nahi duniyaa ko jab parwa hamaari
toh phir duniyaa ki parwa kyoon karein ham
ye basti hai muslaamaanon ki basti
yahan kaar-e-maseeha kyoon karein ham
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi