kitne se rahte honge kitne itraate honge
jaane kaise log wo honge jo us ko bhaate honge
shaam hue khush-baash yahan ke mere paas aa jaate hain
mere bujhne ka nazzaara karne aa jaate honge
wo jo na aane waala hai naa us se mujh ko matlab tha
aane waalon se kya matlab aate hain aate honge
us ki ki baad-e-saba mein aur toh kya hota hoga
yoonhi mere baal hain bikhre aur bikhar jaate honge
yaaro kuchh toh zikr karo tum us ki quayaamat baanhon ka
wo jo simatte honge un mein wo toh mar jaate honge
mera saans ukhadte hi sab bain karenge roenge
yaani mere baad bhi yaani saans liye jaate honge
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi