har dhadkan haijaani thi har khaamoshi toofaani thi
phir bhi mohabbat sirf musalsal milne ki aasaani thi
jis din us se baat hui thi us din bhi be-kaif tha main
jis din us ka khat aaya hai us din bhi weeraani thi
jab us ne mujh se ye kaha tha rifaaqat hi toh nahi
tab main ne har shakhs ki soorat mushkil se pahchaani thi
jis din wo milne aai hai us din ki roodaad ye hai
us ka balaauz naaranji tha us ki saari dhaani thi
uljhan si hone lagti thi mujh ko aksar aur wo yoon
mera mizaaj-e- tha shahri us ki wafa dahquani thi
ab toh us ke baare mein tum jo chaaho wo kah daalo
wo angadaai mere kamre tak toh badi roohaani thi
naam pe ham qurbaan the us ke lekin phir ye taur hua
us ko dekh ke ruk jaana bhi sab se badi qurbaani thi
mujh se bichhad kar bhi wo ladki kitni khush khush rahti hai
us ladki ne mujh se bichhad kar mar jaane ki thaani thi
ishq ki haalat kuchh bhi nahi thi baat badhaane ka fan tha
lamhe la-faani thahre the quatron ki tughyaani thi
jis ko khud main ne bhi apni rooh ka irfan samjha tha
wo toh shaayad mere pyaase honton ki shaitaani thi
tha darbaar-e-kalan bhi us ka naubat-khana us ka tha
thi mere dil ki jo raani amrohe ki raani thi
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi