ham ji rahe hain koi bahaana kiye baghair
us ke baghair us ki tamannaa kiye baghair
ambaar us ka parda-e-hurmat bana miyan
deewar tak nahi giri parda kiye baghair
yaaran wo jo hai mera maseeha-e-jaan-o-
be-had azeez hai mujhe achchha kiye baghair
main bistar-e-khayaal pe leta hoon us ke paas
subh-e-azal se koi taquaza kiye baghair
us ka hai jo bhi kuchh hai mira aur main magar
wo mujh ko chahiye koi sauda kiye baghair
ye jo hai use maana bhi chahiye
waada hamein qubool hai ifa kiye baghair
ai quatilon ke shahar bas itni hi arz hai
main hoon na quatl koi tamaasha kiye baghair
murshid ke jhoot ki toh saza be-hisaab hai
tum chhodiyo na shahar ko sahra kiye baghair
un aanganon mein kitna sukoon o suroor tha
aaraaish-e-nazar tiri parwa kiye baghair
yaaran khusha ye roz o shab-e-dil ki ab hamein
sab kuchh hai khush-gawaar gawaara kiye baghair
girya-kunan ki fard mein apna nahi hai naam
ham girya-kun azal ke hain girya kiye baghair
aakhir hain kaun log jo bakhshe hi jaaenge
taareekh ke haraam se tauba kiye baghair
wo sunni bachcha kaun tha jis ki jafa ne jaun
sheea bana diya hamein sheea kiye baghair
ab tum kabhi na aaoge yaani kabhi kabhi
rukhsat karo mujhe koi waada kiye baghair
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi