tera firaaque jaan-e-jan aish tha kya mire liye

yaani tire firaaque mein khoob sharaab pi gai

tere wisaal ke liye apne kamaal ke liye

haalat-e-dil ki thi kharaab aur kharaab ki gai

us ki umeed-e-naaz ka ham se ye maan tha ki aap

umr guzaar deejiye umr guzaar di gai

ek hi haadsa toh hai aur wo ye ki aaj tak

baat nahi kahi gai baat nahi suni gai

baad bhi tere jaan-e-jan dil mein raha ajab saman

yaad rahi tiri yahan phir tiri yaad bhi gai

us ke badan ko di numood ham ne sukhan mein aur phir

us ke badan ke waaste ek quaba bhi si gai

meena-b-meena mai-b-mai jaam-b-jaam jam-b-jam

naaf-piyaale ki tire yaad ajab sahi gai

kahni hai mujh ko ek baat aap se yaani aap se

aap ke shahar-e-wasl mein lazzat-e-hijr bhi gai

sehan-e-khayaal-e-yaar mein ki na basar shab-e-firaaque

jab se wo chaandana gaya jab se wo chaandani gai