ghar se ham ghar talak gae honge
apne hi aap tak gae honge
ham jo ab aadmi hain pahle kabhi
jaam honge chhalak gae honge
wo bhi ab ham se thak gaya hoga
ham bhi ab us se thak gae honge
jo ham se hua muaaf karo
nahi pi thi bahak gae honge
kitne hi log hirs-e-shohrat mein
daar par khud latak gae honge
shukr hai is -e-kam ka miyan
pahle hi ham khatak gae honge
ham toh apni talaash mein aksar
az sama-ta-samak gae honge
us ka lashkar jahan-tahan yaani
ham bhi bas be-kumak gae honge
jaun allaah aur ye aalam
beech mein ham atak gae honge
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi