ek hi muzda subh laati hai
dhoop aangan mein phail jaati hai
rang-e-mausam hai aur baad-e-saba
shahar koochon mein udaati hai
farsh par kaaghaz udte phirte hain
mez par gard jamti jaati hai
sochta hoon ki us ki aakhir
ab kise raat bhar jagaati hai
main bhi izn-e-nawa-gari chaahoon
be-dili bhi toh lab hilaati hai
so gae ped jaag uthi khushboo
zindagi khawaab kyoon dikhaati hai
us saraapa wafa ki furqat mein
khwaahish-e-ghair kyoon sataati hai
aap apne se ham-sukhan rahna
ham-nashin saans phool jaati hai
kya sitam hai ki ab tiri soorat
ghaur karne pe yaad aati hai
kaun is ghar ki dekh-bhaal kare
roz ik cheez toot jaati hai
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi