chalo baad-e-bahaari ja rahi hai
piya-ji ki sawaari ja rahi hai
shumaal-e-jaawedaan-e-sabz-e-jan se
tamannaa ki amaari ja rahi hai
fughan ai dushman-e-daar-e--o-jan
miri haalat sudhaari ja rahi hai
hai pahloo mein take ki ik haseena
tiri furqat guzaari ja rahi hai
jo in rozon mira hai wo ye hai
ki gham se burdabaari ja rahi hai
hai seene mein ajab ik hashr barpa
ki dil se be-quaraari ja rahi hai
main paiham haar kar ye sochta hoon
wo kya shay hai jo haari ja rahi hai
dil us ke roo-b-roo hai aur gum-sum
koi arzi guzaari ja rahi hai
wo sayyad bachcha ho aur shaikh ke saath
miyan izzat hamaari ja rahi hai
hai barpa har gali mein shor-e-naghma
miri fariyaad maari ja rahi hai
wo yaad ab ho rahi hai dil se rukhsat
miyan pyaaron ki pyaari ja rahi hai
daregha teri nazdeeki miyan-jaan
tiri doori pe waari ja rahi hai
bahut bad-haal hain basti tire log
toh phir tu kyoon sanwaari ja rahi hai
tiri marham-nigaahi ai maseeha
kharaash-e-dil pe waari ja rahi hai
kharaabe mein ajab tha shor barpa
dilon se intizaari ja rahi hai
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi