bada ehsaan ham farma rahe hain
ki un ke khat unhein lauta rahe hain
nahi tark-e-mohabbat par wo raazi
quayaamat hai ki ham samjha rahe hain
yaquin ka raasta tay karne waale
bahut tezi se waapas aa rahe hain
ye mat bhoolo ki ye lamhaat ham ko
bichhadne ke liye milwa rahe hain
taajjub hai ki -o-aashiqui se
abhi kuchh log dhoka kha rahe hain
tumhein chaahenge jab chhin jaaogi tum
abhi ham tum ko arzan pa rahe hain
kisi soorat unhein nafrat ho ham se
ham apne aib khud ginwa rahe hain
wo paagal mast hai apni wafa mein
miri aankhon mein aansoo aa rahe hain
daleelon se use quail kiya tha
daleelein de ke ab pachhta rahe hain
tiri baanhon se hijrat karne waale
nae maahaul mein ghabra rahe hain
ye jazb-e- hai yaa jazba-e-raham
tire aansoo mujhe rulwa rahe hain
ajab kuchh rabt hai tum se ki tum ko
ham apna jaan kar thukra rahe hain
wafa ki yaadgaarein tak na hongi
miri jan bas koi din ja rahe hain
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi