ai subah main ab kahan raha hoon
khwaabon hi mein sarf ho chuka hoon
sab mere baghair mutmain hon
main sab ke baghair ji raha hoon
kya hai jo badal gai hai duniyaa
main bhi toh bahut badal gaya hoon
go apne hazaar naam rakh loon
par apne siwa main aur kya hoon
main jurm ka etiraaf kar ke
kuchh aur hai jo chhupa gaya hoon
main aur faquat usi ki khwaahish
akhlaaque mein jhoot bolta hoon
ik shakhs jo mujh se waqt le kar
aaj aa na saka toh khush hua hoon
har shakhs se be-niyaaz ho ja
phir sab se ye kah ki main hoon
charke toh tujhe diye hain main ne
par khoon bhi main hi thookta hoon
roya hoon toh apne doston mein
par tujh se toh hans ke hi mila hoon
ai shakhs main teri justujoo se
bezaar nahi hoon thak gaya hoon
main sham-e- ka naghma-gar tha
ab thak ke karaahne laga hoon
kal par hi rakho wafa ki baatein
main aaj bahut bojha hua hoon
koi bhi nahi hai mujh se naadim
bas tay ye hua ki main bura hoon
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi