abhi farmaan aaya hai wahan se
ki hat jaaoon main apne darmiyan se
yahan jo hai tanaffus hi mein hai
parinde ud rahe hain shaakh-e-jan se
dareecha baaz hai yaadon ka aur main
hawa sunta hoon pedon ki zaban se
zamaana tha wo ki zindagi ka
tiri furqat ke din laaoon kahan se
tha ab tak maarka baahar ka darpesh
abhi toh ghar bhi jaana hai yahan se
phulan se thi ghazal behtar phulan ki
phulan ke zakhm achchhe the phulan se
khabar kya doon main shahar-e-raftagan ki
koi laute bhi shahar-e-raftagan se
yahi anjaam kya tujh ko hawas tha
koi poochhe toh meer-e-daastan se
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi