ab wo ghar ik weeraana tha bas weeraana zinda tha
sab aankhein dam tod chuki thin aur main tanha zinda tha
saari gali sunsaan padi thi baad-e- ke pahre mein
ke daalaan aur aangan mein bas ik saaya zinda tha
wo jo kabootar us mookhe mein rahte the kis des ude
ek ka naam nawaazinda tha aur ik ka baazinda tha
wo dophar apni rukhsat ki aisa-waisa dhoka thi
apne andar apni laash uthaae main jhoota zinda tha
thin wo ghar raatein bhi kahaani waade aur phir din ginna
aana tha jaane waale ko jaane waala zinda tha
dastak dene waale bhi the dastak sunne waale bhi
tha aabaad mohalla saara har darwaaza zinda tha
peele patton ko sah-pahar ki wahshat pursa deti thi
aangan mein ik aundhe ghade par bas ik kawwa zinda tha
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi