aap apna the ham toh
the yaadgaar the ham toh
pardagi ham se kyoon rakha parda
tere hi parda-daar the ham toh
waqt ki dhoop mein tumhare liye
shajar-e-saaya-daar the ham toh
ude jaate hain dhool ke maanind
aandhiyon par sawaar the ham toh
ham ne kyoon khud pe etibaar kiya
sakht be-etibaar the ham toh
sharm hai apni baar baari ki
be-sabab baar baar the ham toh
kyoon hamein kar diya gaya majboor
khud hi be-ikhtiyaar the ham toh
tum ne kaise bhula diya ham ko
tum se hi mustaaar the ham toh
khush na aaya hamein jiye jaana
lamhe lamhe pe baar the ham toh
sah bhi lete hamare taanon ko
jaan-e-man jan-nisaar the ham toh
khud ko dauraan-e-haal mein apne
be-tarah naagwaar the ham toh
tum ne ham ko bhi kar diya barbaad
naadir-e-rozgaar the ham toh
ham ko yaaron ne yaad bhi na rakha
jaun yaaron ke yaar the ham toh
Responses
No comments yet. Be the first to respond.
bas ik ghubaar taur guman ka hai tah b tah
yaani nazar bhi kuchh nahi manzar bhi kuchh nahi
hai ab toh ek jaal sukoon hameeshgi
parwaaz ka toh zikr hi kya par bhi kuchh nahi
kitna daraaؤna hai ye shahar nabod w bood
aisa daraaؤna ki yahan dar bhi kuchh nahi
pahloo mein hai jo mere kahin aur hai wo shakhs
yaani wafa ahad ka bistar bhi kuchh nahi
nisbat mein un ki jo hai aziyyat wo hai magar
shah rag bhi koi shay nahi aur sar bhi kuchh nahi
yaaran tumhein jo mujh se gila hai toh kis liye
mujh ko toh atraaz khuda par bhi kuchh nahi