sitaaron se ulajhta ja raha hoon
-e-furqat bahut ghabra raha hoon
tire ko bhi kuchh bahla raha hoon
jahan ko bhi samajhta ja raha hoon
yaquin ye hai haqueeqat khul rahi hai
guman ye hai ki dhoke kha raha hoon
agar mumkin ho le le apni aahat
khabar do husn ko main aa raha hoon
hadein husn-o-mohabbat ki mila kar
quayaamat par quayaamat dha raha hoon
khabar hai tujh ko ai zabt-e-mohabbat
tire haathon mein lutta ja raha hoon
asar bhi le raha hoon teri chup ka
tujhe quail bhi karta ja raha hoon
bharam tere sitam ka khul chuka hai
main tujh se aaj kyoon sharma raha hoon
unhin mein raaz hain gul-baariyon ke
main jo chingaariyan barsa raha hoon
jo un masoom aankhon ne diye the
wo dhoke aaj tak main kha raha hoon
tire pahloo mein kyoon hota hai mahsoos
ki tujh se door hota ja raha hoon
had-e-jor-o-karam se badh chala husn
nigaah-e-yaar ko yaad aa raha hoon
jo uljhi thi kabhi aadam ke haathon
wo gutthi aaj tak suljha raha hoon
mohabbat ab mohabbat ho chali hai
tujhe kuchh bhoolta sa ja raha hoon
ajal bhi jin ko sun kar jhoomti hai
wo naghme zindagi ke ga raha hoon
ye sannaata hai mere paanw ki chaap
firaaque apni kuchh aahat pa raha hoon
Responses
No comments yet. Be the first to respond.