-e-kaargar hai aur main hoon
hayaat-e-be-khabar hai aur main hoon
mita kar nigaah-e-awwalin se
taquaza-e-digar hai aur main hoon
kahan main aa gaya ai zor-e-parwaaz
wabaal-e-baal-o-par hai aur main hoon
nigaah-e-awwalin se ho ke barbaad
taquaza-e-digar hai aur main hoon
mubaarakbaad ayyaam-e-aseeri
gham-e-deewar-o-dar hai aur main hoon
tiri jamaiyyatein hain aur tu hai
hayaat-e-muntashar hai aur main hoon
koi ho sust-paiman bhi toh yoon ho
ye shaam-e-be-sahar hai aur main hoon
nigaah-e-be-mahaaba tere sadque
kai tukde jigar hai aur main hoon
thikaana hai kuchh is uzr-e-sitam ka
tiri neechi nazar hai aur main hoon
firaaque ik ek hasrat mit rahi hai
ye maatam raat bhar hai aur main hoon
Responses
No comments yet. Be the first to respond.