ik roz hue the kuchh ishaaraat khafi se
aashique hain ham us nargis-e-raana ke jabhi se
karne ko hain door aaj toh tau ye rog hi ji se
ab rakkhenge ham pyar na tum se na kisi se
ahbaab se rakhta hoon kuchh ummeed-e-sharaafat
rahte hain khafa mujh se bahut log isi se
kahta hoon use main toh khusoosiyyat-e-pinhan
kuchh tum ko shikaayat hai kasi se toh mujhi se
ashaaar nahi hain ye miri rooh ki hai pyaas
jaari hue sar-chashme miri tishna-labi se
aansoo ko mire khel tamaasha na samajhna
kat jaata hai patthar isi heere ki kani se
yaad-e-lab-e-jaanan hai charaagh-e--e-ranjoor
raushan hai ye ghar aaj usi laal-e-yamni se
aflaak ki mehraab hai aai hui angadaai
be-kaif kuchh aafaaque ki aaza-shikni se
kuchh zer-e-lab alfaaz khanakte hain faza mein
goonji hui hai bazm tiri kam-sukhni se
aaj anjuman-e- nahi anjuman-e-ishq
kis darja kami bazm mein hai teri kami se
is waadi-e-weeran mein hai sar-chashma-e-dil bhi
hasti miri sairaab hai aankhon ki nami se
khud mujh ko bhi ta-der khabar ho nahi paai
aaj aai tiri yaad is aahista-rawi se
wo dhoondhane nikli hai tiri nikhat-e-gesoo
ik roz mila tha main naseem-e-sahri se
sab kuchh wo dila de mujhe sab kuchh wo bana de
ai dost nahi door tiri kam-nighi se
meeaad-e-dawaam-o-abad ik neend hai us ki
ham muntahi-e-jalwa-e-jaanan hain abhi se
ik dil ke siwa paas hamare nahi kuchh bhi
jo kaam ho le lete hain ham log isi se
maaloom hua aur hai ik aalam-e-asraar
aaeena-e-hasti ki pareshan-nazri se
is se toh kahin baith rahe tod ke ab paawan
mil jaae najaat ishq ko is dar-b-dari se
rahta hoon firaaque is liye waarafta ki duniyaa
kuchh hosh mein aa jaae miri be-khabri se
Responses
No comments yet. Be the first to respond.