har naala tire se ab aur hi kuchh hai
har naghma sar-e-bazm-e-tarab aur hi kuchh hai
arbaab-e-wafa jaan bhi dene ko hain tayaar
hasti ka magar -e-talab aur hi kuchh hai
ye kaam na le naala-o-faryaad-o-fughan se
aflaak ulat dene ka dhab aur hi kuchh hai
ik silsila-e-raaz hai jeena ki ho marna
jab aur hi kuchh tha magar ab aur hi kuchh hai
kuchh mehar-e-quayaamat hai na kuchh naar-e-jahannam
hoshyaar ki wo quahar-o-ghazab aur hi kuchh hai
mazhab ki kharaabi hai na akhlaaque ki pasti
duniyaa ke masaaib ka sabab aur hi kuchh hai
behooda-saari sajde mein hai jaan khapaana
aaeen-e-mohabbat mein adab aur hi kuchh hai
kya husn ke andaaz-e-taghaaful ki shikaayat
paimaan-e-wafa ishq ka jab aur hi kuchh hai
duniyaa ko jaga de jo adam ko bhi sula de
sunte hain ki wo roz wo shab aur hi kuchh hai
aankhon ne firaaque aaj na poochho jo dikhaaya
jo kuchh nazar aata hai wo sab aur hi kuchh hai
Responses
No comments yet. Be the first to respond.