chhed ai ye kisi shokh ke rukhsaaron se
khelna aah dahakte hue angaaron se
ham -e-hijr mein jab soti hai saari duniyaa
zikr karte hain tira chhitke hue taaron se
ashk bhar laae kisi ne jo tira naam liya
aur kya hijr mein hota tire beemaaron se
chhed naghma koi go dil ki shikasta hain ragein
ham nikaalenge sada toote hue taaron se
ham ko teri hai zaroorat na ise bhool ai dost
tere iquraaron se matlab hai na inkaaron se
ham hain wo bekas-o-be-yaar ki baithe baithe
apna dukh-dard kaha karte hain deewaaron se
ahal-e-duniyaa se ye kahte hain mire naala-e-dil
ham sada denge gham-e-hijr ke meenaaron se
ishq hamdardi-e-aalam ka rawaadaar nahi
ho gai bhool firaaque aap ke gham-khwaaron se
Responses
No comments yet. Be the first to respond.