bahsein chhidi hui hain hayaat-o-mamaat ki
sau baat ban gai hai firaaque ek baat ki
saaz-nawa-e- hijaabaat-e-dahar mein
kitni dukhi hui hain ragein kaaenaat ki
rakh li jinhon ne kashamkash-e- ki laaj
be-dardiyan na poochhiye un se hayaat ki
yoon fart-e-be-khudi se mohabbat mein jaan de
tujh ko bhi kuchh khabar na ho is waardaat ki
hai ishq us tabassum-e-jan-bakhsh ka shaheed
rangeeniyan liye hai jo subh-e-hayaat ki
chheda hai dard-e-ishq ne taar-e-rag-e-adam
soorat pakad chali hain nawaaein hayaat ki
shaam-e-abad ko jalwa-e-subh-e-bahaar de
roodaad chhed zindagi-e-be-sabaat ki
us bazm-e-be-khudi mein wajood-e-adam kahan
chalti nahi hai saans hayaat-o-mamaat ki
sau dard ik tabassum-e-pinhan mein band hain
tasweer hoon firaaque nashaat-e-hayaat ki
Responses
No comments yet. Be the first to respond.