aankhon mein jo baat ho gai hai
ik sharah-e-hayaat ho gai hai
jab ki wafaat ho gai hai
har cheez ki ho gai hai
gham se chhut kar ye gham hai mujh ko
kyoon gham se najaat ho gai hai
muddat se khabar mili na dil ki
shaayad koi baat ho gai hai
jis shay pe nazar padi hai teri
tasweer-e-hayaat ho gai hai
ab ho mujhe dekhiye kahan subh
un zulfon mein raat ho gai hai
dil mein tujh se thi jo shikaayat
ab gham ke nikaat ho gai hai
iquraar-e-gunaah-e-ishq sun lo
mujh se ik baat ho gai hai
jo cheez bhi mujh ko haath aai
teri saughaat ho gai hai
kya jaaniye maut pahle kya thi
ab meri hayaat ho gai hai
ghatte ghatte tiri inaayat
meri auquat ho gai hai
us chashm-e-siyah ki yaad yaksar
shaam-e-zulmaat ho gai hai
is daur mein zindagi bashar ki
beemaar ki raat ho gai hai
jeeti hui baazi-e-mohabbat
khela hoon toh maat ho gai hai
mitne lagin zindagi ki quadrein
jab gham se najaat ho gai hai
wo chaahein toh waqt bhi badal jaae
jab aae hain raat ho gai hai
duniyaa hai kitni be-thikaana
aashique ki baraat ho gai hai
pahle wo nigaah ik kiran thi
ab barque-sifaat ho gai hai
jis cheez ko chhoo diya hai tu ne
ik barg-e-nabaat ho gai hai
ikka-dukka sada-e-zanjeer
zindan mein raat ho gai hai
ek ek sifat firaaque us ki
dekha hai toh zaat ho gai hai
Responses
No comments yet. Be the first to respond.