aai hai kuchh na poochh quayaamat kahan kahan
uf le gai hai mujh ko mohabbat kahan kahan
betaabi-o-sukoon ki huin manzilein tamaam
bahlaaein tujh se chhut ke tabeeat kahan kahan
furqat ho yaa wisaal wahi iztiraab hai
tera asar hai ai -e-furqat kahan kahan
har jumbish-e- mein sad-kaif be-khudi
bharti phiregi husn ki niyyat kahan kahan
raah-e-talab mein chhod diya dil ka saath bhi
phirte liye hue ye museebat kahan kahan
dil ke ufaque tak ab toh hain parchhaaiyan tiri
le jaae ab toh dekh ye wahshat kahan kahan
ai nargis-e-siyaah bata de tire nisaar
kis kis ko hai ye hosh ye ghaflat kahan kahan
nairang-e-ishq ki hai koi intiha ki ye
ye gham kahan kahan ye masarrat kahan kahan
begaangi par us ki zamaane se ehtiraaz
dar-parda us ada ki shikaayat kahan kahan
farque aa gaya tha daur-e-hayaat-o-mamaat mein
aai hai aaj yaad wo soorat kahan kahan
jaise fanaa baqua mein bhi koi kami si ho
mujh ko padi hai teri zaroorat kahan kahan
duniyaa se ai dal itni tabeeat bhari na thi
tere liye uthaai nadaamat kahan kahan
ab imtiyaaz-e-ishq-o-hawas bhi nahi raha
hoti hai teri chashm-e-inaayat kahan kahan
har gaam par tareeque-e-mohabbat mein maut thi
is raah mein khule dar-e-rahmat kahan kahan
hosh-o-junoon bhi ab toh bas ik baat hain firaaque
hoti hai us nazar ki sharaarat kahan kahan
Responses
No comments yet. Be the first to respond.