tumhaari ke jab zakhm bharne lagte hain
kisi bahaane tumhein karne lagte hain
hadees-e-yaar ke unwan nikharne lagte hain
toh har hareem mein gesoo sanwarne lagte hain
har ajanbi hamein mahram dikhaai deta hai
jo ab bhi teri gali se guzarne lagte hain
saba se karte hain ghurbat-naseeb zikr-e-watan
toh chashm-e-subh mein aansoo ubharne lagte hain
wo jab bhi karte hain is nutque o lab ki bakhiya-gari
faza mein aur bhi naghme bikharne lagte hain
dar-e-quafas pe andhere ki mohar lagti hai
toh faiz dil mein sitaare utarne lagte hain
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai