tum aae ho na -e-intizaar guzri hai
talaash mein hai baar baar guzri hai
junoon mein jitni bhi guzri b-kaar guzri hai
agarche dil pe kharaabi hazaar guzri hai
hui hai hazrat-e-naaseh se guftugoo jis shab
wo shab zaroor sar-e-koo-e-yaar guzri hai
wo baat saare fasaane mein jis ka zikr na tha
wo baat un ko bahut naa-gawaar guzri hai
na gul khile hain na un se mile na mai pi hai
ajeeb rang mein ab ke bahaar guzri hai
chaman pe ghaarat-e-gul-chin se jaane kya guzri
quafas se aaj saba be-quaraar guzri hai
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai