tire ko jan ki talaash thi tire jan-nisaar chale gae
tiri rah mein karte the sar talab sar-e-rahguzaar chale gae
tiri kaj-adaai se haar ke -e-intizaar chali gai
mire zabt-e-haal se rooth kar mire gham-gusaar chale gae
na sawaal-e-wasl na arz-e-gham na hikaaytein na shikaaytein
tire ahad mein dil-e-zaar ke sabhi ikhtiyaar chale gae
ye hamin the jin ke libaas par sar-e-rah siyaahi likhi gai
yahi daagh the jo saja ke ham sar-e-bazm-e-yaar chale gae
na raha junoon-e-rukh-e-wafa ye rasan ye daar karoge kya
jinhein jurm-e-ishq pe naaz tha wo gunaahgaar chale gae
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai