sab quatl ho ke tere muquabil se aae hain
ham log surkh-roo hain ki se aae hain
sham-e- khayaal ke anjum jigar ke daagh
jitne charaagh hain tiri mahfil se aae hain
uth kar toh aa gae hain tiri bazm se magar
kuchh dil hi jaanta hai ki kis dil se aae hain
har ik quadam ajal tha har ik gaam zindagi
ham ghoom phir ke koocha-e-quatil se aae hain
baad-e-khizan ka shukr karo faiz jis ke haath
naame kisi bahaar-e-shimaail se aae hain
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai