raaz-e-ulfat chhupa ke dekh liya
bahut kuchh jala ke dekh liya
aur kya dekhne ko baaqui hai
aap se laga ke dekh liya
wo mire ho ke bhi mire na hue
un ko apna bana ke dekh liya
aaj un ki nazar mein kuchh ham ne
sab ki nazrein bacha ke dekh liya
faiz takmeel-e-gham bhi ho na saki
ishq ko aazma ke dekh liya
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai