quarz-e--e-yaar ada kar chuke hain ham
sab kuchh nisaar-e--e-wafa kar chuke hain ham
kuchh imtihaan-e-dast-e-jafa kar chuke hain ham
kuchh un ki dastaras ka pata kar chuke hain ham
ab ehtiyaat ki koi soorat nahi rahi
quatil se rasm-o-raah siwa kar chuke hain ham
dekhein hai kaun kaun zaroorat nahi rahi
koo-e-sitam mein sab ko khafa kar chuke hain ham
ab apna ikhtiyaar hai chaahe jahan chalein
rahbar se apni raah juda kar chuke hain ham
un ki nazar mein kya karein pheeka hai ab bhi rang
jitna lahoo tha sarf-e-quaba kar chuke hain ham
kuchh apne dil ki khoo ka bhi shukraana chahiye
sau baar un ki khoo ka gila kar chuke hain ham
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai