nahi nigaah mein toh justujoo hi sahi
nahi wisaal mayassar toh aarzoo hi sahi
na tan mein khoon faraaham na ashk aankhon mein
namaaz-e-shauque toh waajib hai be-wazoo hi sahi
kisi tarah toh jame bazm mai-kade waalo
nahi jo baada-o-saaghar toh haaw-hoo hi sahi
gar intizaar kathin hai toh jab talak ai
kisi ke waada-e-farda ki guftugoo hi sahi
dayaar-e-ghair mein mahram agar nahi koi
toh faiz zikr-e-watan apne roo-b-roo hi sahi
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai