kabhi kabhi mein ubharte hain naqsh-e-maazi mite mite se
wo aazmaaish o nazar ki wo qurbatein si wo faasle se
kabhi kabhi aarzoo ke sahra mein aa ke rukte hain quafile se
wo saari baatein lagaaw ki si wo saare unwan wisaal ke se
nigaah o dil ko quaraar kaisa nashaat o gham mein kami kahan ki
wo jab mile hain toh un se har baar ki hai ulfat nae sire se
bahut giran hai ye aish-e-tanha kahin subuk-tar kahin gawaara
wo dard-e-pinhan ki saari duniyaa rafeeque thi jis ke waaste se
tumhin kaho rind o mohatsib mein hai aaj shab kaun farque aisa
ye aa ke baithe hain mai-kade mein wo uth ke aae hain mai-kade se
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai