kab mein tera saath nahi kab haat mein tera haat nahi
sad-shukr ki apni raaton mein ab ki koi raat nahi
mushkil hain agar haalaat wahan dil bech aaein jan de aaein
dil waalo koocha-e-jaanan mein kya aise bhi haalaat nahi
jis dhaj se koi maqtal mein gaya wo shaan salaamat rahti hai
ye jaan toh aani jaani hai is jan ki toh koi baat nahi
maidaan-e-wafa darbaar nahi yan naam-o-nasab ki poochh kahan
aashique toh kisi ka naam nahi kuchh ishq kisi ki zaat nahi
gar baazi ishq ki baazi hai jo chaaho laga do dar kaisa
gar jeet gae toh kya kahna haare bhi toh baazi maat nahi
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai