minnat-kash-e-quaraar nahi
majboor-e-intizaar nahi
teri ranjish ki intiha maaloom
hasarton ka miri shumaar nahi
apni nazrein bikher de saaqui
mai b-andaaza-e-khumaar nahi
zer-e-lab hai abhi tabassum-e-dost
muntashir jalwa-e-bahaar nahi
apni takmeel kar raha hoon main
warna tujh se toh mujh ko pyar nahi
chaara-e-intizaar kaun kare
teri nafrat bhi ustuwaar nahi
faiz zinda rahein wo hain toh sahi
kya hua gar wafa-shiaar nahi
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai