ham ne sab sher mein sanwaare the
ham se jitne tumhare the
rang-o-khushboo ke -o-khoobi ke
tum se the jitne istiaare the
tere quaul-o-quaraar se pahle
apne kuchh aur bhi sahaare the
jab wo laal-o-guhar hisaab kiye
jo tire gham ne dil pe waare the
mere daaman mein aa gire saare
jitne tasht-e-falak mein taare the
umr-e-jaawed ki dua karte
faiz itne wo kab hamare the
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai