ham musafir yoonhi masroof-e- jaaenge
be-nishan ho gae jab shahar toh ghar jaaenge
kis quadar hoga yahan mehar-o-wafa ka maatam
ham tiri se jis roz utar jaaenge
jauhri band kiye jaate hain bazaar-e-sukhan
ham kise bechne almaas-o-guhar jaaenge
nemat-e-zeest ka ye quarz chukega kaise
laakh ghabra ke ye kahte rahein mar jaaenge
shaayad apna bhi koi bait hudi-khwan ban kar
saath jaaega mire yaar jidhar jaaenge
faiz aate hain rah-e-ishq mein jo sakht maquam
aane waalon se kaho ham toh guzar jaaenge
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai