gulon mein rang bhare baad-e-nau-bahaar chale
chale bhi aao ki gulshan ka kaarobaar chale
quafas udaas hai yaaro saba se kuchh toh kaho
kahin toh bahar-e- aaj zikr-e-yaar chale
kabhi toh subh tire kunj-e-lab se ho aaghaaz
kabhi toh sar-e-kaakul se mushk-baar chale
bada hai dard ka rishta ye dil ghareeb sahi
tumhare naam pe aaenge gham-gusaar chale
jo ham pe guzri so guzri magar shab-e-hijran
hamare ashk tiri aaquibat sanwaar chale
huzoor-e-yaar hui daftar-e-junoon ki talab
girah mein le ke gareban ka taar taar chale
maquam faiz koi raah mein jacha hi nahi
jo koo-e-yaar se nikle toh soo-e-daar chale
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai